يوم ثارت في جنون من جنـون الجاهليـه
عاتبتني لين شبـت فـي شرايينـي لهبهـا




واستفزتني وفـزت وزعلـت منـي عليـه
وستضاقت من كلامي يوم زعلنـي عتبهـا





من بعدها ما بقى لي فـي محانيهـا بقيـه
اسدلت دمع المحاجر للبكا ورخـت هدبهـا





والله اني مانويـت ابـدي معاهـا بالخطيـه
بس هي اللي تعدت حدهـا لحظـة غضبهـا





والله اني كنت اكابـر بالعتـب بحسـن نيـه
بس ابدري هو صحيح اني الوحيد اللي عجبها





يمكن اني كنت قاسي بالعتب معهـا شويـة
كثر ما كانت تمنى راحتي واعشـق تعبهـا





جرحتني بالكـلام وكبـرت حيـل القضيـة
واخسرت بي كل عرق من شراييني كسبهـا





ولا هي ماكـان فيهـا للمـوادع مقدريـة
والجفا كانت تعافه بس مـدري وش قلبهـا





ليتني مارحت اقياس قيمتـي عنـد بدويـة
رجعت لـي كـل عـرق حبهـا ولا نهبهـا





وعلمتني كيف بالجفا وانتصر وابقى ضحيـه
وعلمتني كيف قلبي لو غلبهـا مـا غلبهـا





وعلمتني يـوم صـدت عنفـوان الاجوديـة
ماتلوح للمقفـي لـو سلبهـا مـا سلبهـا





رابية بين القبايل والعـرب واهـل الحميـة
عاقلـه ماتبـذر إلا نخلـة تعـرف رطبهـا





إن تهادت ذكرتنـي فـي خفـوق العامريـه
وإن تمادت تركب ابليس الرجيـم وماركبهـا





جفنها لا سلهمت به ما يطليـق السامريـة
تسحبه برضاه عينه وان سهت عينه سحبها





وان حكت تعطي مكانه للحـروف الابجديـة
كن كلمتهـا تلفـت للكـلام اللـي عقبهـا





والحروف اليا تعـدت بالشفـاه النرجسيـة
كنها صارت قصيـدة بـس ربـي ماكتبهـا





وش بوصف من حلاها وش بخلـي للبريـة
مابها بالحسن عيـب واكشفتـه الا حجبهـا





شعرها فيه الخوي اللي تبرى مـن خويـه
والشفا لو تشرب الما واختلط فيهـا شربهـا





كن في ضمة شفاها جمرتيـن بنـار حيـه
كل من حس بدفاها وحتـرق صـد وقربهـا





شفتها مثل الجريمـه وابتليـت ابهـا بليـه
غلطة ٍجيت اتحاشى ظلمهـا قلـت ارتكبهـا





كل شي شفـت فيهـا فيـه نبـره جاذبيـه
موهبة من فضل ربي واشهد ان الله وهبهـا





كلـهـا لله بلله فاتـنـه هــا لآدمـيـه
عاجبتني من بداية راسهـا لا سفـل كعبهـا





لـو تبادلنـي شعـوري والهديـة بالهديـة
ماوفت لي لو تبيع ثيابهـا واغلـى ذهبهـا





هملتنـي والقلـوب الجرهديـة جرهـديـة
وحرقتني والمحبـه نارهـا تاكـل حطبهـا





ولا انا ماكنت اكابـر والليالـي السرمديـة
يمكن ان اللي غصبني للولع فيهـا غصبهـا





ياخوفوقي وادري انك منت في حاجة وصيـة
شف مكاني وانت تدري وين هي يمة عربها





رح لها وان كان فيها قلب يطمح في مجيـه
شف طلبها في عروقه وان حصل تمم طلبها





وانشده وان قال عنها من هدر دمـي بريـه
قله ان اللي حصلي بالمحبـة مـن سببهـا





ولو يقول اني تعمدت الخطـا لجـل الأذيـة
قله اني مـا تحمـل بالعتـب قلـه ادبهـا





ولو يقول اني انا اللي كنت بـادي بالخطيـة
قل هي اللي تعدت حدهـا لحظـة غضبهـا








,,, ان شاء الله تعجبكم ,,,